Zifuatazo ndizo mbinu za kupanga malengo yako ili uweze kufanikiwa:
1. Andika malengo yako chini.
Yaweke malengo yako kwenye karatasii ili yawe rahisi kuyaona. Yawe ni malengo mahsusi ambayo utekelezaji wake unafikika na uwe tayari umejiwekea tarehe maalumu ya kuyafikia. Hii ndiyo sifa ya malengo unayotakiwa kuwa nayo.
2. Anza kuweka mipango.
Umesha andika malengo yako tayari. Hatua inayofuata ni kwa wewe sasa, kuweka mipango ya kufanya. Kumbuka unapofanya jambo unapata nguvu zaidi ya kuweza kulifanikisha kuliko ukitulia. Hivyo ni lazima mipango yako iwe hai na ya kiutekelezaji.
3. Lipa gharama.
Kubali kulipia kila gharama inayohitajika ili kufikia malengo yako. Gharama hizo zinaweza zikawa ni muda au nidhamu binafsi. Lakini gharama yoyote fanya kila ufanyalo hakikisha unailipa. Kama utakwepa kulipa gharama yoyote ile naomba nikwambie sahau kabisa kuhusu mafanikio.
4. Yapitie malengo yako kila siku.
Hakuna namna ya nyingine ya kuwa mshindi zaidi ya wewe kukomaa kupitia malengo yako kila siku. Unapopitia malengo yako kila siku yanakupa nguvu na hamasa kubwa ya kuona ni jinsi gani yanawezekana na unaweza kuyafikia.
5. Anza utekelezaji.
watu wengi wanaweza wakafanya hayo yote hapo juu ila linapokuja suala ka utekelezaji wengi wao huishia njiani. hivyo kila wakati kama kweli una nia thabiti ya kufikia malengo uliyojiwekea ni lazima uweze kutekeleza malengo yako.
Mpaka kufikia hapo ni imani yangu kubwa umenielewa vyema, naomba nikutakie siku njema na mafanikio mema, endelea kutembelea Muungwana blog kila wakati.
Na. Benson Chonya.