Watu wanaongoza kuvunja mahusiano ya kimapenzi

Katika mahusiano ya mapenzi pamoja na kuwapo kwa sababu mbalimbali zinazochangia mpenzi mengi kufa lakini zipo sababu nyingine ikiwemo watu wanakuzungukua huwa ni chanzo cha kufa kwa mahusiano ya kimapenzi kufa.

Wafutao ndiyo watu wanachangia kufa kwa mahusiano; 

Wapenzi wa zamani.
Hili ni grupu la kwanza la watu wanaovunja mahusiano ya watu wengi na kama sio kuvunja basi kupelekea ugomvi,,usipende kuwa na mawasiliano na ma ex wako hata kama mliachana pasipo na ubaya wowote maana mpenzi wako anapogundua kuwa unawasiliana nae hii inajenga wasiwasi ndani ya moyo wake na wengi hawapendi.

Wafanyakazi wenzako. 
Hawa nao ni watu unaoweza kuwachukulia kawaida kwasababu tu unafanya nao kazi lakini hawa pia wanachangia,,,utasikia fulani twende lunch,,siku ya kwanza,ya pili,ya tatu mwisho wa siku mnapanga kutoka dinner na mwisho wa siku unamcheat mpenzi wako bila kutegemea.

Majirani.
Hawa nao ni watu ambao sio wazuri kwasababu ya maneno,,huyu leo atazusha hili kesho lile,,na kwa upande mwingine hasa hasa wanawake akimpenda mume wa mtu ataanza kumuwekea mitego ili amnase,,wanaume kuweni nao makini hawa watu na usijenge mazoea nao yakupitiliza.

Wafanyakazi wa ndani.
Hawa ni kitu cha kawaida sana kuharibu ndoa za watu na wengine kufikia mpaka kubeba mimba ya baba mwenye nyumba,,mwanamke hakikisha housegirl hamfulii mumeo wala kumpikia maana wengine ndo wataweka na limbwata ili wakupindue lakini muda mwingine inakuwa ni tamaa tu za wanaume.

Marafiki. 
Marafiki ni watu ambao wanaweza kukushape vizuri au vibaya,,hivyo kuwa makini na ushauri au mawazo ya marafiki,,si kila kitu unacopy au unafata toka kwa marafiki

Ndugu.
Jamaa na ndugu ni wabaya sana usipokubalika,,wasipokupenda basi watakufanyia kila aina ya vituko ili tu uachane na ndugu yao.
N.b;kuwa makini na watu huwa.

Soma Zaidi →

Ugonjwa wa kipindupindu cha kuku (fowl cholera)

Ni ugonjwa unaosababishwa na bacteria ambao unaoshambulia karibu aina zote za ndege, ugonjwa huu ni hatari ambapo vifo ni kati ya 30% hadi 80%.

Njia za ueneaji wa ugonjwa huu.

Utupaji ovyo wa mizoga ya kuku, kwani mzoga unaweza kukaa na vimelea kwa zaidi ya miezi mitatu.
Kupitia chakula na maji yenye mchanchanyiko na vimelea hivyo.
Kuku mzima kugusana na kuku mgonjwa.
Kupitia njia ya upumuaji.

Dalili za ugonjwa huu.
Huarisha majimaji ya kijani yenye harufu.

Kilemba na masikio ya kuku hupauka na kulegea.

Hupumua kwa shida.

Hutokwa na ute mdomoni na puani.

Joto la mwili hupanda.

Vifo hutokea 


Jinsi ya kuthibiti ugonjwa wa fowl cholera. 
Usafi wa ndani na nje ya banda.
Tenganisha kuku kwa rika zao (wakubwa kwa wakubwa na wadogo kwa wadogo).
Zingatia sifa za banda bora.
Mizoga ichomwe moto au ifukiwe katika shimo la kina kirefu kuzuia kuenea kwa ugongwa. 

Tiba ya fowl cholera.
Ukiona dalili za ugonjwa huu wahi mapema kutumia dawa mojawapo kati ya zifuatazo:~
Trimazin
Typhoprim
Sulphonamides
Hipraloma
O.T.C
C.T.C
Ganadex 

Soma Zaidi →

Faida za kunywa chai nyakati za asubuhi

Wapo baadhi ya watu wao wasiponunywa chai kwao huwa ni changamoto sana katika jinsi ambavyo siku yako itakavyokuwa. Wapo baadhi ya watu wao wasipokunywa chai basi huumwa na kichwa siku nzima.

Je, ni mara ngapi umekuwa ukiondoka kwako asubuhi bila kunywa chai? naamini inaweza kuwa ni mara kadhaa lakini wengine ikawa ndio desturi yao kabisa kutokunywa chai asubuhi wanapotoka nyumbani kuelekea kwenye mishughuliko au masomo yao.

Sasa leo ninazo hizi faidia kadhaa za kunywa chai wakati wa asubuhi kabla hujatoka kwako.

1. Husaidia kuongeza uwezo wako wa kufikiria. Hivyo kama wewe ni mwanafunzi au mfanyakazi ni vyema kuzingatia unywaji wa chai kabla ya kuanza shughuli zako za siku husika ili uweze kuongeza uwezo wako wa kufikiri.

2. Unapokunywa chai unajipunguzia hatari ya kuzongwa na magonjwa mbalimbali hususani yale ambayo si ya kuambukiza.

3. Pia unapokunywa chai asubuhi husaidia kuboresha mahusiano mazuri kati yako na familia yako. Kwa sababu unapoamka na kukaa meza moja na watoto au mke au ndugu na kunywa chai huwezesha wanafamilia kujuzana machache kuhusu siku hiyo kabla ya upilika 'ubuys' wa siku hiyo kuanza.

Angalizo; Unapopika chai epukana na kuweka majani mengi na sukari nyingi kwani chai yenye majani na sukari nyingi  yana madhara makubwa sana katika afya.

Soma Zaidi →

Faida za saba (7) kuoga maji ya baridi

Watu wengi hupenda kuogea maji ya moto, hii ni kutokana na kuogopa baridi au sababu za kimazoea tu. Ingawa mara nyingi umekuwa ukisisitiziwa kuwa maji moto yana manufaa mengi, lakini hata maji ya baridi nayo yana manufaa yake.

Je uko tayari kuongeza maarifa au hata kubadili mtazamo wako? Karibu nikushirikishe faida  za kuogea maji ya baridi.

Huongeza utayari katika mwili.
Maji ya baridi hukufanya uchangamke, hili ni tofauti na maji ya moto. Mara nyingi mtu anapoogea maji ya baridi hasa baada ya kuamka humfanya awe katika hali nzuri ya kuwa tayari kuendelea na majukumu yake.

Kumbuka hata wakati wa kuogea maji baridi kasi ya upumuaji hubadilika na kukufanya kuongeza kiasi cha oksijeni kinachoingia mwilini.

Hulainisha ngozi na nywele
Maji moto huchubua ngozi na nywele, hasa kwa kuondoa mafuta laini yanayolinda ngozi na nywele na kuvifanya viwe vikavu sana.

Kwa kuogea maji ya baridi, ngozi na nywele zako havitapaushwa bali vitasafiwa na kuachwa katika hali nzuri ya kupendeza.

Huboresha kinga mwili
Kwa mujibu wa utafiti uliofanywa na Thrombosis Research Institute, ulibainisha kuwa watu wanaoogea maji ya baridi wanaongeza uzalishaji wa seli nyeupe za damu.

Utafiti huu unaeleza kuwa kutokana na kuongezeka kwa kiwango cha metaboli mwili unapojaribu kujipasha moto, ndipo seli hizi nyeupe ambazo hupambana na maradhi zinapozalishwa.

Huhamasisha kupunguza uzito
Kupunguza uzito? Ndiyo kupunguza uzito. Baada ya binadamu kula vyakula, kiasi fulani huhifadhiwa mwilini kama mafuta. Baadhi ya mafuta haya huyeyushwa na kutumiwa kuupasha mwili joto.

Hivyo kuogea maji ya baridi kutawezesha aina fulani ya mafuta kuyeyushwa ili kuzalisha joto mwilini, jambo ambalo litapelekea kupungua kwa uzito.

Huchangia katika afya ya misuli
Wanamichezo wanafahamu kuwa kuogea maji baridi baada ya michezo au mazoezi huwafanya wajisikie vizuri mapema. Hili ni kutokana na maji baridi kuhamasisha mzunguko wa damu ambao huiwezesha misuli kujijenga tena upya vyema.

Huondoa msongo wa mawazo
Utafiti uliofanyika kwenye chuo cha tiba Virginia, ulibaini kuwa kuogea maji baridi huzalisha kemikali ya noradrenaline ambayo husaidia kukabili msongo wa mawazo.

Hukusaidia kulala vyema
Je umeshawahi kuogea maji baridi ukiwa umechoka sana au umefanya kazi ngumu? Kama umeshawahi kuogea maji baridi ni wazi kuwa ulijisikia vizuri na ukalala vizuri pia.

Hili ni tofauti na maji ya moto kwani badala ya kukupooza na kukufanya ulale vyema yatakufanya uchemke na kuchoka zaidi.

Naamini umepata maarifa juu ya faida za kuogea maji baridi. Naamini sasa hakuna haja ya kuongeza foleni za maji jikoni wakati unaweza kuogea maji ya baridi na ukapata manufaa yaliyoelezwa hapa.

Soma Zaidi →

Ukiyazingatia haya utaishi na watu vizuri

Nimezipenda hizi nasaha. Naamini na nyinyi wenzangu hamtakosa japo machache ya kujifunza unayopaswa kuyazingatia ili kuishi na watu vizuri kama ifutavyo:-

1. Epuka hasira za ovyo na kila mtu, kuwa msikivu kabla ya kukimbilia maamuzi (elewa kuwa ukiwa na hasira huwezi kupata suluhu ya jambo).

2. Usiwatendee wengine ubaya ukadhani kuwa utakuwa salama (ubaya hulipwa kwa ubaya, ipo siku ubaya wako kwa wengine utakurejea kama sio kuwarejea watu wa kizazi chako)

3. Usichukue maamuzi kabla ya kutafiti ukweli (pengine wapo wanadamu wanaopenda kuonekana wao wema kwa kuumiza wengine). Mtuhumu mtu lakini mpe muda wa kumsikiliza, usimshambulie mtu kwa maneno makali bila kuujua ukweli, ukijua ukweli nafsi inaweza kukusuta.

4. Mchukulie kila mwanadamu ni mkosaji (tambua kuwa hata wewe unawakosea sana wengine na wanakuvumilia. Hivyo usiwe mwepesi wa kuwaadhibu wenzio kwa ubaya).

5. Usipande mbegu ya chuki na ubaya katika jamii unayoishi ukadhani itakuacha salama (chuki hukua kama mti utambaao, ukiipanda ndani ya jamii yako, haitatoka kwako na inaweza kutafuna kizazi chako ukajutia.

6. Tambua kuwa yule unayeishi nae ni mwanadamu kama wewe, mpe heshima na mwonyeshee upendo hata kama huoni anafanana nawe. Maisha ni duara huenda ulikuwa kama yeye au atakuja kuwa kama wewe baadae.

7. Usiwe muongeaji ovyo ovyo na usiye na subira. Kuongea sana kunapoteza busara.

8. Jiepushe na maisha ya kusukumwa na wengine kufanya jambo usilojua manufaa yake. Jifunze kujitegemea kiakili. Sio kila unayemdhania rafiki moyoni mwake yupo pamoja nawe, na ukashirikiana nae, wengi wa marafiki zetu hututumia sana kuliko tunavyoweza kuwatumia wao.

9. Usipende sana kugombana na watu kwa njia ya maongezi yanayodumu kama vile, ujumbe wa maandishi, mawasiliano ya simu au ujumbe wa maneno (SMS). Kumbuka kuwa maneno yanaishi kuliko ugomvi au uadui, ipo siku yatakurudi na utajiona mpumbavu na kukosa pa kujificha. Jifunze kusubiri.

10. Usifumbue mdomo wako kutamka ubaya au kunyanyua kidole chako kuandika ubaya juu ya mwenzio bila kujiuliza mara mbili moyoni mwako hatima ya unachokitoa kwa mwingine.

11. Jishushe na jifunze kusikiliza wengine wakati wa mazungumzo ili uweze kujifunza kabla ya kukurupuka kujibu, usikivu ni kipimo cha busara, mtu anayekurupuka kujibu jibu kila anachosikia hawezi kuwa kiongozi, Mume au Mke mwema kwani mara nyingi atapotoka tu.

12. Usitunze hasira nyingi moyoni kwani hasira hukaa kifuani mwa mpumbavu. Jitahidi pia kuepuka kuwa na hasira mara kwa mara na zisizo na maana. Elewa kuwa hasira zisizo maana hukupunguzia maisha na kukupa maumivu wewe mwenyewe kuliko yule uliyemfanyia hasira, utakufa kwa magonjwa kabla ya wakati ufaao.

13. Thamani yako inategenezwa na watu wengine, wewe kama ni mtoto, mheshimu sana mzazi wako na kama umeoa au kuolewa, heshimu wazazi na familia ya mke au mumeo kwa kuwa bila wao, usingekuwa hivyo ulivyo leo unajivunia ndoa njema, kwa kuwa yupo mtu alimzaa huyo mwenzio. Mheshimu kwa lolote liwe jema au baya, utalipwa kwa wakati ufaao.

14. Usijibizane na mtu usiyemjua au ambaye hawezi kukupunguzia kitu katika maisha yako. Tambua kuwa unapunguza sehemu kubwa ya maisha yako kwa kutafuta magomvi na mtu wa mbali nawe.

15. Kumbuka asili yako, kumbuka upo hapo kwa kuwa kuna mahali ulitoka, maisha yanabadilika, usidharau pale ulipokuwa zamani kwa kuwa ndipo palipokufanya leo uwe hapo.

16.Subiri, sikiliza, elekeza, vumilia. Elewa sio kila mtu ana uelewa kama wako. Jitahidi kuwa mvumilivu katika kila jambo, usiinuke kuwafokea au kuwakaripia wengine kwa jambo ambalo pengine nao wanahitaji muda kueleweshwa ili walifanye vyema. Kumbuka sana, kuna wakati nawe ulikuwa huelewi kabisa lakini wapo wenzio walikuvumilia, wakakuelekeza njia njema, kufokea wengine mara kwa mara sio njia njema ya kuwafundisha bali ni kuwaweka mbali nawe.

Soma Zaidi →

B Dozen afunguka kwa mara ya kwanza baada ya kuhamia EFM

Aliyekuwa mtangazaji wa Clouds FM, Hamis Mandi maarufu kama B Dozen ambae leo June 3, 2020 ameingia katika vichwa vya habari baada ya kuhamia kituo kipya cha kazi kiitwacho EFM kinachomilikiwa chini ya Mkurugenzi, Majizo.

Mtangazaji huyo kupitia ukurasa wake wa Instagram ameyaandika maneno ya kuushukuru uongozi wa Clouds Media Group na kusema…’Kutoka Arusha, Kitega Uchumi hadi Mjengoni Mikocheni, CLOUDS has always been home,Shukrani sana kwa Management yote, Chama la Wana XXL na wafanyakazi wote wa Clouds, na wadau wengine wote wa Clouds Undugu wangu na ninyi hauwezi kuisha wala Kusahaulika’- B Dozen

It is time, nahitaji changamoto mpya mahali pengine.
.
Mwisho ninamnukuu #RugeMutahaba, aliwahi kusema " "Kubadilisha mfumo wa mazingira ya utafutaji na kukua kitasnia nadhani halitakiwi kuwa jambo baya isipokuwa ni kupongezana na kutakiana kila la kheri".
.
I wish you all the best, mzidi kufungua Dunia. 💙💙🙏🏼

Soma Zaidi →

Ujerumani kuruhusu safari katika nchi 26 za Umoja wa Ulaya

Serikali ya Ujerumani inajiandaa kuondowa tahadhari ya usafiri kwa nchi 29 za Ulaya kuanzia Juni 15 ikiwa ni karibu miezi mitatu baada ya tahadhari hizo kutangazwa kwa nia ya kuzuia kusambaa kwa kirusi cha Corona.

Uamuzi uliotolewa leo Jumatano utaimarisha matumaini ya kurudi kwa hali kiuchumi katika nchi zinazotegemea utalii ambazo zimepata athari kubwa kutokana na janga hilo la kirusi na hatua za kufungwa shughuli za kimaisha zilizotumiwa kudhibiti maambukizi.

Waziri wa mambo ya nje wa Ujerumani Heiko Maas amesema tahadhari za usafiri zilizowekwa kwa nchi zote duniani Machi 17 zitaondolewa nchini Ujerumani kwa nchi 26 za Umoja wa Ulaya isipokuwa kwa Uhispania ambako maafisa wameweka vizuizi dhidi ya wageni hadi Juni 21.

Soma Zaidi →

Umoja wa Ulaya waitolea mwito China kuruhusu kumbukumbu ya Tiananmen

Umoja wa Ulaya umesema licha ya wasiwasi wa kiafya kutokana na janga la ugonjwa wa Covid-19, China inapaswa kuwaruhusu watu wa HongKong na Macau kuadhimisha kumbukumbu ya umwagikaji wa damu uliotokea mwaka 1989 katika uwanja wa Tiananmen kufuatia ukandamizaji dhidi ya waandamanaji wakutetea demokrasia mjini Beijing.

Msemaji wa Umoja wa Ulaya ameuambia mkutano wa waandishi habari kwamba maadhimisho hayo ni ishara kwamba uhuru muhimu unaendelea kulindwa.

Kesho alhamisi ni siku ya maadhimisho ya kumbukumbu ya miaka 31 tangu wanajeshi wa China kufyetua risasi dhidi ya maandamano yaliyoongozwa na wanafunzi ndani na nje ya uwanja huo maarufu wa Tiananmen.

Soma Zaidi →

China na Iran zaikosoa Marekani kuhusu haki za binadamu

China na Iran ambazo kwa miaka iliyopita zimetajwa kama nchi za kiimla na zinazotawaliwa kwa mtindo wa mabavu na waziri wa mambo ya nje wa Marekani Mike Pompeo, zimeitaka Marekani katika siku za karibuni kushughulikia suala la ubaguzi na kulinda haki za waliowachache nchini humo.

Vurugu za nchini Marekani kufuatia kifo cha Mmarekani mweusi kilichotokea mikononi mwa polisi zimeugeuza mkondo wa kawaida wa kidiplomasia kuhusiana na suala la haki za binadamu wakati nchi zilizoandamwa na ukosoaji wa Marekani katika kipindi cha miaka kadhaa sasa zimeigeukia nchi hiyo na kuwashutumu maafisa wa Marekani kwa undumilakuwili.

Msemaji wa wizara ya mambo ya nje ya China Hua Chunying ametumia maneno ya kauli ya mwisho iliyotolewa na George Floyd Mmarekani mweusi aliyeuwawa akisema,siwezi kupumua,katika ujumbe wa Twitta kumjibu msemaji wa wizara ya mambo ya nje wa Marekani Morgan Ortagus aliyeikosoa hatua ya China ya kuweka sheria za kiusalama kwa raia wa HongKong.

Soma Zaidi →

Idadi ya waliopona corona Kenya yafikia 553

Wagonjwa 54 wa virusi vya corona wamethibitishwa kupona nchini Kenya , ikiwa ndio idadi kubwa zaidi kutangazwa kwa siku.

Idadi hiyo sasa inafanya waliopona nchini humo kufikia 553.

Hatahivyo taifa hilo limeandikisha wagonjwa 123 zaidi wa virusi vya corona baada ya saa 24 baada ya sampuli 2,112 kuchunguzwa.

Idadi hiyo mpya inaongeza wagonjwa wa virusi hivyo waliothibitishwa nchini humo kufikia 2,216.

Jumla ya sampuli 85,058 zimefanyiwa vipimo kufikia sasa .

Naibu waziri wa Afya Rashid Aman akizungumza na vyombo vya habari , amesema kwamba Nairobi ilikuwa na wagonjwa 44 , Mombasa ikithibitisha wagonjwa 34, Busia 20 na Uasin Gishu 12.

Wagonjwa wapya pia walirekodiwa katika wilaya za Kajiado -3 ,Kiambu -3, Nyeri -3, Kilifi -2, Garissa na Laikipia zikiwa na wagonjwa mmoja mmoja .

Dkt. Aman alitangaza kwamba watu watatu walifariki kutokana na ugonjwa huo na hivyobasi kufanya idadi ya waliofariki kufikia 74.

Kijana wa miaka 12 ni miongoni mwa wale waliofariki.

Soma Zaidi →

Rais Magufuli akutana na Rais Shein, Ikulu Chamwino

 Rais wa Jamhuri ya Muungano wa Tanzania na Mwenyekiti wa Chama Cha Mapinduzi (CCM), Mhe. Dkt. John Pombe Magufuli leo tarehe 03 Juni, 2020 amekutana na Rais wa Zanzibar na Mwenyekiti wa Baraza la Mapinduzi ambaye ni Makamu Mwenyekiti wa CCM Zanzibar Mhe. Dkt. Ali Mohamed Shein katika kikao cha ndani kilichofanyika Ikulu, Chamwino Mkoani Dodoma.

 Rais wa Jamhuri ya Muungano wa Tanzania Mheshimiwa Dkt. John Pombe Magufuli akiwa na Mhe. Rais wa Zanzibar na Mwenyekiti wa Baraza la Mapinduzi Dkt. Mohamed Ali Shein, Makamu Mwenyekiti wa Chama cha Mapinduzi Mzee Philip Mangula na Katibu Mkuu wa CCM Dkt. Bashiru Ally Kakurwa wakifuraia jambo leo tarehe 03-06-2020 katika Ikulu ya Chamwino mkoani Dodoma.

 Rais wa Zanzibar ambaye pia ni Mwenyekiti wa Baraza la Mapinduzi Dkt. Mohamed Ali Shein akiangalia akiweka udongo katika jiwe la msingi la ujenzi wa Ofisi za Ikulu na kukagua maendeleo ya kazi ya ujenzi wa ofisi hizo inayofanywa na Jeshi la Kujenga Taifa (JKT) kupitia shirika lake la Suma JKT.

 Rais wa Zanzibar ambaye pia ni Mwenyekiti wa Baraza la Mapinduzi Dkt. Mohamed Ali Shein akiangalia kibao cha jiwe la msingi la Ujenzi wa Uwekaji Ofisi za Ikulu ya Chamwino.

 Rais wa Zanzibar ambaye pia ni Mwenyekiti wa Baraza la Mapinduzi Dkt. Mohamed Ali Shein
akizungumza na wajenzi kutoka JKT mara baada ya kukagua kazi za Ujenzi wa Ofisi za IKULU.

Rais wa Jamhuri ya Muungano wa Tanzania na Mwenyekiti wa Chama Cha Mapinduzi (CCM), Mhe. Dkt. John Pombe Magufuli akizungumza jambo na Rais wa Zanzibar ambaye pia ni Mwenyekiti wa Baraza la Mapinduzi Dkt. Mohamed Ali Shein Ikulu ya Chamwino Dodoma leo.

Soma Zaidi →

TAKUKURU makao makuu inamshikilia afisa wa Wizara ya Maliasili na Utalii pamoja na watumishi wanne wa NEMC

TAKUKURU makao makuu inamshikilia afisa wa Wizara ya Maliasili na Utalii, Eliud Kijalo kwa tuhuma za ubadhirifu wa zaidi ya Shilingi bilioni nne. Pia inawashikilia watumishi wanne wa Baraza la Taifa la Hifadhi na Usimamizi wa Mazingira  kwa tuhuma mbalimbali za rushwa.

Soma Zaidi →

Maandamano kupinga ubaguzi na mauaji ya Floyd na Adama Traore nchini Ufaransa

Maandamano  kukemea matumizi ya nguvu ya jeshi la Polisi , kifo cha Adama Traore na George Floyd  yafanyika nchini Ufaransa.

Adama Traore ni kijana mfaransa mwenye asili ya Afrika ambae alifariki  mikononi mwa polisi mwaka  2016 nchini Ufaransa.

Traore alikuwa akiwa na umri wa miaka  24, maandamano yamefanyika nchini Ufaransa pia kukemea mauaji ya George Floyd nchini Marekani.

Licha ya marufuku ya kuandamana mjini Paris, waandamanaji wamemiminika mabarabarani  karibu na karsi ya sheria wakidai haki itendeke kwa watu wote wakikemea mauaji ambayo husababishwa na matumizi ya nguvu ya  maafisa wa jeshi la Polisi.

Wanafamilia ya Adama Traore wameomba haki itendeke kufuatia kifo cha mwanafamilia wao.

Jeshi la Polisi limekabiliana na  waandamanaji takribani 20 000 ambao ilijaribu kuwasamabaratisha  kwa kutumia mabomu ya kusababishwa kutokwa na machozi.

Baada ya waandamanaji waliokuwa wakiandamana wakiwa na mabango  ambayo yameandikwa "haki itendeke kwa Adama Traore" wamekwnda hadi mbele ya ubalozi wa Marekani .

Mbele ya ubalozi huo wa Marekani,  waandamanaji  wamekemea mauaji ya George Floyd yaliotokea wiki ilipita nchini Marekani na kuendelea kwa maandamano.

Tangu Mei  25, maandamano hufanyika nchini Marekani kukemea mauaji ya mmarekani huyo mweusi aliofariki mikononi mwa  maafisa wa usalama  Minneapolis.
Maandamano hayo yamefuatiwa na ghasia na uporaji wa mali na uharibifu.

Kifo cha Adama Traore nchin Ufaransa kilitokea mwaka  2016 , kifo hicho kimefananishwa na matukio ya sasa nchini Marekani.

Ripoti iliotolewa  kuhusu kifo cha Adama Traore  imefahamisha kuwa kijana huyo alifariki kutokana na  matumizi ya nguvu  ya maafisa wa jeshi la Polisi ddhidi yake na alifariki ndani ya gari la Polisi alipokuw akipelkwa hospitali.

Kesi kuhusu tukio hilo nchini Ufaransa bado haijafunguliwa .

Soma Zaidi →

Maandamano nchini Argentina kukemea mauaji ya George Floyd

Maandamano kupinga mauaji ya George Floyd yaendelea kufanyika katika mataifa  tofauti ulimwenguni.

Maandamano kukemea mauaji ya mmarekani mweusi George Floy, mtu mweusi aliefariki akiwa mikononi mwa polisi.

Floyd amefariki wiki iliopita wakati amekamatwa na polisi, afisa mmoja wa jeshi la Polisi alimkandamiza kwa goti shingoni kwa muda wa dakaki kadhaa na kufariki.

Mjini Buenos Aires nchini Argentina, mjini kati  wamekusanyika mwaandamanaji walionesha ghadyhabu zao dhidi ya matumizi ya kukithiri ya nguvu dhidi ya  watu weusi pindi wanapokamatwa nchini Marekani.

Waandamanaji wamedai haki itendeke kwa George Floyd.

Waandamanaji hao waliokuwa pia wakitoa kauli  dhidi ya rais wa Marekani Donald Trump.

Kufuati kifo cha George Floyd Mei  25, maandamano ya ghasia na uporaji vimeshuhudiwa katika miji tofauti nchini Marekani.

Soma Zaidi →

Uingereza yajitolea kuwapokea raia wa Hong Kong

Waziri mkuu wa Uingereza Boris Johnson amesema nchi yake iko tayari kuwafungulia milango raia wapatao milioni 3 wa Hong Kong wakati kiongozi wa jimbo hilo la China akiwasili mjini Bejing leo kwa ajili ya kushiriki mikutano kuhusu sheria ya usalama wa kitaifa iliyoandaliwa ambayo inawatia wasiwasi watu wengi kuhusu mustakabali wao.

Waziri mkuu wa Uingereza amesema kupitia makala iliyochapishwa mtandao na gazeti la Hong Kong linaloitwa South China Morning Post, kwamba sheria hiyo ya usalama itaweka rehani uhuru wa jimbo hilo na kwenda kinyume na wajibu wa China chini ya makubaliano yake na Uingereza wakati ilipokabidhiwa tena jimbo hilo mwaka 1997 kutoka mikononi mwa nchi hiyo ya Uingereza iliyokuwa inalitawala.

Boris Johnson amenukuliwa akisema kwamba ikiwa China itaendelea kuhalalisha hofu yake basi Uingereza haiwezi kuwapa kisogo watu wa Hong Kong.

Soma Zaidi →

Wilaya ya Njombe yaagizwa kuwachukulia hatua watendaji wanaosababisha hoja za mkaguzi

Na Amiri kilagalila, Njombe.

Halmashauri ya wilaya ya Njombe imeagizwa kuwachukulia hatua watendaji wake wanaosababisha kwa hoja za kiukaguzi pamoja na kutakiwa kuzijibu kwa wakati.

Katibu tawala mkoa  wa Njombe Catalina Revocati kwa niaba ya mkuu wa mkoa ametoa agizo hilo katika kikao cha baraza maalum la madiwani la kujadili hoja za CAG na kwamba pamoja na halmashauri hiyo kupata hati safi kwa miaka minne mfululizo lakini inapaswa kuzifanyia kazi hoja hizo huku mkuu wa wilaya ya Njombe Ruth Msafiri akielekeza kuwachukulia hatua watendaji wanaozalisha hoja za ukaguzi.

“Ninomba sana baraza litoe maelekezo ili mkurugenzi aweze kulifanyia kazi hasa swala la hoja kwenye ukusanyaji mapato katika leseni za biashara ili zisijitokeze tena wakati mwingine”alisema Catalina Revocati

“Watendaji wengi hawakaguliwi zinakuwepo hoja nyingi za wananchi ambazo wanahitaji majibu na hawapati majibu,oneni namna ya kuwafundisha na kuwakagua”alisema Ruth Msafiri

Baadhi ya madiwani wa halmashauri hiyo akiwemo Julius Salingwa,Roida Wandelage na Shaib Masasi wanasema pamoja na kuridhia kwa hoja hizo lakini wanataka hatua stahiki kuchukuliwa kwa watumishi ambao wamezalisha hoja hizo.

“Ukusanyaji wa hizi kodi imekuwaje watu wanaishi mpaka wanafika mahali  wanashindwa kulipa kodi mpaka wanatutengenezea hoja,tunaomba ukusanyaji ufanyike maana yake kututengeneza hoja kwenye halmashauri ni kutuharibia”alisema Roida Wandelage

Valentino Hongoli ni mwenyekiti wa halmashauri ya wilaya ya Njombe ametumia fursa hiyo kumuelekeza mkurugenzi mtendaji Juma Ally kuhakikisha anazijibu hoja zilizopo ndani ya uwezo wake haraka iwezekanavyo.

“Mkurugenzi jitahidi pamoja na timu yako kuhakikisha hoja hizi ambazo zimebaki kufungwa,zinasimamiwa ili kufungwa inavyotakiwa hasa zile ambazo zipo ndani ya uwezo wetu,zipo nyingine ambazo zipo nje ya uwezo wetu zinahitaji ufuatiliaji kwa mfano hoja za kuhusu tunahitaji kuajili watumishi wa kutosha inayotoa ajira ni serikali kuu” alisema Valentino Hongoli

Halmashauri ya wilaya ya Njombe imeendelea kupata hati safi kila mwaka kwa miaka minne mfululizo huku ikifanikiwa kuvuka lengo la makusanyo  ya ndani katika robo ya tatu ya mwaka wa fedha.

Soma Zaidi →

Kagurumjuli apongezwa Kinondoni kupata Hati safi miaka mitano mfululizo

Manispaa ya Kinondoni imepongezwa kwa kupata hati safi kwa kipindi cha miaka mitano mfululizo katika  hoja za ukaguzi wa hesabu za Serikali kwa mwaka wa fedha 2014/2015 hadi 2018/2019.rad

Pongezi hizo zimetolewa leo na Bi. Mary Assey kwa niaba ya  Katibu Tawala Mkoa wa Dar es salaam wakati uchangiaji mada wa taarifa ya hoja za ukaguzi wa Hesabu za Serikali kwa mwaka 2018/ 2019 iliyowasilishwa na mkaguzi wa hesabu za nje  Manispaa ya Kinondoni.

Bi. Mary amesema  Kinondoni imeonesha uzalendo katika usimamiaji mzuri wa rasilimali za Serikali, hasa matumizi mazuri ya Fedha yanayoenda sambamba na thamani halisi ya utekelezaji wa miradi ya maendeleo na kuzitaka  Halmashauri nyingine kuiga mfano ya uendeshaji pamoja na usimamizi ili ziweze kuwa na mafanikio makubwa zaidi.

“ Ni wapongeze Kinondoni kwakupata hati safi kwa miaka mitano mfufulizo, hii inaonesha ni kwa kiasi gani Mkurugenzi Aron Kagurumjuli na timu yako mpomakini kwenye utendaji wenu, hasa usimamizi wa matumizi ya fedha kisera ,utekelezaji wa ilani sambamba na usimamizi mzuri wa miradi, tunazo Halmashauri tano katika mkoa wetu wa Dar es Salaam, lakini Kinondoni mnafanya vizuri, hongereni kwa hilo” amesema Bi. Mary.

Akitoa taarifa hiyo ya ukaguzi wa hesabu kwa mwaka 2018/ 2019, Mkaguzi Mkuu wa hesabu za nje Manispaa ya Kinondoni Ndg.  Eliuther Msombola amesema kuwa ukaguzi huo umefanyika kwa mujibu wa ibara ya 143(2), ya katiba ya Jamuhuri ya Muungano w Tanzania ya mwaka 1977 (iliyorekebishwa mwaka 2005).

Aidha amefafanua kuwa lengo la ukaguzi huo ni kupata uthibitisho wa kuridhia kama taarifa za fedha kwa ujumla wake hazina makosa makubwa yanayotokana na udanganyifu au makosa ya kawaida.

Awali akizungumza kwa niaba ya Madiwani,Mstahiki Meya wa Manispaa hiyo Mhe. Benjamini Sitta amesema kuwa mafanikio ya hati hizo safi zimetokana na usimamizi mahiri wa Mkurugenzi Ndugu. Aron Kagurumjuli pamoja na menejimenti kwani amekuwa mzalendo na kiongozi anayefuata sera na miongozo ya serikali.

Soma Zaidi →

Madiwani Kinondoni wampongeza Meya Sitta, Mkurugenzi Kagurumjuli kwa kufanya vizuri kwenye miradi ya maendeleo

Baraza la madiwani la Halmashauri ya Manispaa ya Kinondoni limewapongeza Mhe. Mstahiki Meya Benjamini Sitta pamoja na Mkurugenzi Bwana Aron Kagurumjuli kwa kutekeleza miradi mikubwa katika kipindi cha miaka mitano ya utendaji wao wa kazi.

Pongezi hizo zimetolewa na Madiwani hao wakati wa kikao cha Baraza la madiwani robo ya tatu ya mwaka ambapo wamesema kuwa katika kipindi ambacho wamekuwa madiwani wameshuhudia miradi mikubwa ambayo imetekelezwa ikiwa ni  juhudi kubwa zinazofanywa na viongozi hao pamoja na watendaji.

 Diwani wa Kata ya Mwananyamala Mhe. Songoro Mnyonge amesema kuwa kupitia Meya Sitta na Mkurugenzi Kagurumjuli Kinondoni imekuwa na mafanikio makubwa kwa utekelezaji wa miradi mbalimbali katika sekta ya elimu, Afya, Miundombinu, Masoko na Mazingira.

Mbali na miradi hiyo mikubwa, ametaja baadhi ya miradi hiyo kuwa ni Stendi ya Kisasa ya daladala ya mwenge, Ofisi ya kisasa ya Manispaa, uwanja wa kisasa wa mpira wa miguu,  Soko la kisasa  Magomeni, Tandale ambapo yote inatekelezwa na mapato ya ndani.

“ Miradi iliyotekelezwa ni mingi na wote humu ndani ni mashahidi, hiyo tuliyotaja ni baadhi tu, lakini ukiangalia katika sekta ya elimu na Afya huko nako pia Meya na Mkurugenzi wamefanya kazi kubwa sana ambayo wanastahili pongezi kubwa” amefafanua Mhe. Songoro.

Aidha aliongeza kuwa kwaupande wa fedha za asilimia kumi kwa ajili ya mikopo ya vijana, wazee na walemavu kupitia uongozi huo fedha hizo zimetumika vizuri na kwamba walengwa wamefikiwa na fedha hizo.

Diwani wa Kata ya Wazo, Mhe. Joel Mwakalebela amesema kuwa kata yake pia imenufaika na fedha za  Halmashauri hiyo katika sekta ya elimu na Afya kwani wananchi wake wamepata madarasa ya kisasa pamoja na vituo vya afya kazi kubwa ambayo imefanywa na Mkurugenzi Kagurumjuli na watendaji wake.

Naye Diwani wa Viti Maalumu Mhe. Rose Mushi amesema kuwa Mnispaa hiyo inaongoza kwa kuwa na barabara nzuri za lami kwa kila mtaa sambamba na mifereji ambayo imeweza kujengwa maeneo mengi yaliyokuwa na changamoto hiyo.

“ Ukipita kwenye mitaa huwezi kuona barabara ambazo hazipitiki, hata mvua ikinyesha ya namna gani, kwa hili kwakweli ninampongeza sana Mkurugenzi na timu yako,halmashauri hii inaviongozi wachapa kazi” amesema Mhe. Rose.

 Kwa upande wake Mkurugenzi Kagurumjuli ameeleza kuwa mafanikio ya utekelezaji wa miradi hiyo umetokana na ushirikiano mkubwa uliopo baina ofisi yake na Meya pamoja na watendaji kwani kila mmoja amekuwa akitimiza majukumu yake pasipokuwa na migongano.

Amesema ushirikiano huu mkubwa umewezesha Halmashauri hiyo kuwa na maendeleo makubwa kwenye kila nyanja kama vile Elimu msingi na Elimu Sekondari, Afya, Masoko, miundombinu sambamba na mazingira.

“ Tangu tumeingia kwenye utawala huu, nikiwa na Meya Sitta hatujawahi kuwa na migogoro , watendaji wamekuwa na muda mwingi wa kufikiria mambo makubwa ya maendeleo jambo ambalo limetufikisha tulipo hapa, kwenye mafanikio makubwa nandio mana leo tunapongezana hapa.

Katika hatua nyingine baraza hizo limepitisha taarifa za kamati mbalimbali ambazo ni kamati ya Fedha na uongozi, Huduma za Uchumi, Kamati ya kudhibiti  UKIMWI, Kamati ya Maadili pamoja na kamati ya mipango miji na mazingira.

Soma Zaidi →

Rais Magufuli akutana na Rais wa Zanzibar Ikulu ya Chamwino mkoani Dodoma

Soma Zaidi →

Wachezaji wa Simba waungana kupinga ubaguzi wa rangi kwa mtu mweusi baada ya kifo cha George Floyd

Ikiwa nchi mbalimbali zimeonyesha kukerwa na kitendo cha ubaguzi ulitokea Marekani baada Mmarekani mweusi George Floyd kuuawa mikononi mwa polisi na kusabisha nchi mbalimbali kuandamana na kupinga ubaguzi.

Wachezaji wa timu ya simba pia wameonyesha ishara ya kupinga kitendo hicho kilichoondoa uhai waGeorge.

Wachezaji hao walionesha ishara ambayo imetumika sana kipindi hiki na waandamanaji wengi ambapo walipiga magoti kabla ya kuanza mazoezi leo asubuhi ili kupinga ubaguzi wa rangi kwa watu weusi.

Soma Zaidi →