Rais Omar al-Bashir atangaza kufungua mpaka wa Sudan na Eritrea

Rais wa Sudan Omar al-Bashir ametangaza kuwa mpaka wa nchi yake na Eritrea jirani utafunguliwa baada ya mwaka mmoja wa kufungwa, kulingana na televisheni ya serikali ya Sudan.

"Natangaza hapa, kutoka Kassala, kwamba tunafungua mpaka na Eritrea kwa sababu wao ni ndugu zetu na watu wetu," alisema.

Al-Bashir alitoa tangazo wakati akiwaambia wafuasi katika mji wa Kassala, mji mkuu wa Jimbo la Kassala mashariki mwa Sudan.

Rais ameendelea kusema kwamba mahusiano kati ya nchi hizo mbili yanategemea historia, jiografia na damu.

Mnamo Januari 6 mwaka jana, al-Bashir alitangaza kufungwa kwa mpaka wa mashariki wa nchi na Eritrea.