Utajiri wa Ed sheeran umeongezeka karibu mara mbili ndani ya miezi 12 ambapo inakadiriwa kuwa paundi milioni 170 na hivyo kumfanya afanikiwe kumnyang’anya nafasi ya kwanza mwanamuziki Adele.
Nafasi ya pili imechukuliwa na muigizaji wa filamu Daniel Radcliffe ‘Harry Potter’ ambaye thamani yake ni paundi milioni 90.
Nafasi ya tatu imechukuliwa na mwanamuziki Harry Styles ambaye alikuwa katika kundi maarufu la muziki nchini humo la One Direction ambaye anakadiriwa kuwa na thamani ya paundi milioni 64.
Mwaka jana Adele alishika nafasi ya kwanza akiwa na thamani ya paundi milioni 147.5 lakini yeye alitimiza miaka 31 Mei 5 mwaka huu na hivyo hakupata nafasi ya kushirikishwa katika awamu hii.
