Shahidi huyo ambaye ni mlalamikaji katika kesi hiyo, ameieleza Mahakama ya Wilaya ya Ilala kuwa mshtakiwa alimshawishi aache shule ili amuoe na kisha ampeleke Zanzibar akamfundishe kushona nguo.
Akiongozwa na wakili wa Serikali, Sylvia Mitando, mbele ya Hakimu Mkazi Mfawidhi Mwandamizi wa mahakama hiyo, Said Mkasiwa, shahidi huyo alidai alikuwa akiishi na mama yake mdogo aliyekuwa mke wa Chubwa kabla ya kutalikiana.
“Baada ya mama mdogo kuondoka, Chubwa alinishawishi niache shule kwa madai kuwa elimu ya dunia haina faida,” alidai.
Alieleza kuwa baada ya kuacha masomo hayo, walifunga ndoa kwa siri.
