Msemaji wa Putin,Dmitry Peskov amewaambia waandishi habari kwamba viongozi hao hawatokuwa na mkutano kamili watakapokutana kwenye mkutano huo wa kilele utakaofanyika mjini Osaka kuanzia Juni 28.
Wiki iliyopita Trump alisema atakutana na Putin pembezoni mwa mkutano huo wa Japan lakini alitaka mkutano huo uhudhuriwe pia na watu wengine kwasababu waandishi wa habari hawana wanachokiamini.
Wakati huohuo Trump binafsi anajiandaa kesho Jumanne kutangaza rasmi nia yake ya kutaka kugombea tena urais katika uchaguzi wa 2020 nchini Marekani.