Mamia ya waandamanaji waliojazana katika uwanja wa Amoy Plazza wilayani Kowloon, walipeperusha bendera za China na kuisifu nchi hiyo kabla ya waandamanaji wengine nao kukusanyika katika eneo hilo hilo na kuanza kushambuliana.
Hatua hiyo ilizusha vurugu huku baadhi ya wafuasi wa pande zote mbili wakirushiana ngumi na wengine wakitumia mianvuli kuwapiga wapinzani wao.
Polisi baadae walifika katika eneo hilo na kudhibiti hali huku watu kadhaa wakikamatwa. Mapigano hayo yanatokea baada ya maandamano ya mwezi mmoja sasa ya kudai demokrasia zaidi katika mjini huo unaotawaliwa na China.
