Oct 17, 2020

Bweni la shule ya Sekondari Uchira Islamic lateketea kwa moto mkoani Kilimanjaro

  Muungwana Blog 3       Oct 17, 2020


Bweni la shule ya Sekondari ya wasichana ya Uchira Islamic iliyoko wilaya ya Moshi vijijini mkoani Kilimanjaro, limeteketea kwa moto jioni ya Oktoba 16, 2020, huku chanzo cha moto huo kikiwa bado hakijajulikana mpaka sasa na hakuna kifo wala madhara kwa mwanafunzi yeyote.

Inspekta Abraham Ntezidyo, kutoka Jeshi la Zimamoto mkoa wa Kilimanjaro, amesema kuwa taarifa za moto huo walizipata jana jioni majira ya saa 12:00 na moto umeteketeza jumla ya vitanda 25 ambavyo walikuwa wakilala wanafunzi 50.

"Athari kubwa ni kwenye vitu vya wanafunzi na vitanda, wanafunzi hawakuwepo bwenini walikuwa wameenda Msikitini kwa ajili ya swala ya jioni, mpaka sasa hivi tunaendelea na uchunguzi wa moto huo ili kubaini chanzo na moto ulipoanzia", amesema Inspekta Abraham.

Aidha Inspekta Abraham ameongeza kuwa, "Hapa wanafunzi wako katika hali ya mshtuko, mikakati iliyopo tunakagua shule moja baada ya nyingine kwa kushirikiana na vyombo vingine na hata hii iliyoungua tunavyozungumza imekaguliwa juzi tu hata wiki haijaisha, lakini bahati mbaya imeungua, vyanzo vya moto viko vingi kuna umeme, hujuma, kuna vingine vinasababishwa kwa makusudi".


logoblog

Thanks for reading Bweni la shule ya Sekondari Uchira Islamic lateketea kwa moto mkoani Kilimanjaro

Previous
« Prev Post

No comments:

Post a Comment