Kauli hiyo imetokana na kuwepo matukio ya hivi karibuni yaliyoanza kujitokeza baada ya kuanza kwa operesheni ya kusakwa watu wanaosafirisha, kuuza na kutumia dawa za kulevya katika maeneo mbalimbali nchini.
Alisema, vita dhidi ya dawa za kulevya si kazi ya mtu mmoja au serikali, bali kila mtu kwa nafasi yake ni vema akashiriki moja kwa moja katika mapambano hayo ambayo kwa kiasi kikubwa nchi imepata hasara ya kupoteza nguvu kazi ya taifa kuanzia ngazi ya familia na kupoteza vijana wengi ambao ni nguzo kubwa kiuchumi.
Askofu Ndimbo aliyasema hayo wakati akizungumza na gazeti hili juu ya vita iliyoanzishwa na Rais John Magufuli ya dawa za kulevya nchini.
Alisema, dawa za kulevya licha ya kuwa ni dhambi kubwa mbele ya Mungu lakini pia zimechangia umaskini kwa baadhi ya familia nchini kwani mtu anapotumia hukosa nguvu na uwezo wa kufanya kazi za kujiletea maendeleo badala yake anakuwa tegemezi kwa familia husika na taifa licha ya kuwa na nguvu na akili ya kumwezesha kujitafutia kipato cha kila siku.
Alisema, msako unaoendelea dhidi ya dawa hizo ni mzuri kwani lengo la serikali ni kuona watu wake wanaendelea kuwa na afya njema na wenye mchango kwa maendeleo ya nchi.
Alisema serikali hulazimika kutumia fedha nyingi kwa ajili ya kuhudumia mtumiaji, fedha ambazo zingewza kupelekwa katika miradi mingine ya kiuchumi na wananchi wangeweza kuondokana na kero mbalimbali zilizopo katika maeneo yao kama vile upungufu wa dawa katika zahanati na hospitali, maji safi na salama na hata katika miundombinu ya bara bara.
Alisema dawa za kulevya ni chanzo cha ongezeko la uhalifu kwani mtumiaji mara anapotumia huwa na uamuzi mbaya ambao kwake huuona ni sahihi lakini mbele ya jamii ni kero.
Alitaka kila mmoja kuhakikisha anaungana na viongozi wa serikali walioamua kujitolea nguvu zao katika mapambano hayo na wasiwakatishe tamaa.
Alisema, tabia ya dharau, lugha za kejeli na kubeza kazi zinazofanywa na viongozi wa serikali iliyopo madarakani kwa sasa hazina nafasi kwa sababu haziwezi kusaidia nchi changa kama Tanzania ambayo bado inakabiliwa na matatizo mengi.
Hata hivyo, aliwaomba viongozi wa serikali kuanzia ngazi ya kijiji hadi taifa kutoogopa vitisho na kutokatishwa tamaa na maneno ya baadhi ya watu ambao wamekuwa wakionekana dhahiri kupinga utekelezaji wa mpango huo kwa maslahi yao.
Alisema wao kama viongozi wa kidini hawajashindwa na wala hawatashindwa, badala yake wanaendelea kuhubiri na kueleza waumini maagizo ya Mungu hadi pale binadamu wote watakapoacha kufanya dhambi ili dunia ibaki sehemu salama kwa maisha ya binadamu.
Aliwataka viongozi, kuwadharau watu hao na kupokea kashfa hizo kama chachu katika kuongeza mapambano dhidi ya vita ya dawa za kulevya na wakumbuke kuwa watu wanaopinga operesheni hiyo ni sehemu ndogo ya wananchi kwani kuna kundi kubwa la Watanzania liko nyuma yao. Alisema wao kama viongozi wa dini wataendelea kuunga mkono juhudi hizo.
***************
Umeshawahi Kufikiria Kupata Gari la Bure bila Kulipa Chochote, Basi hii Kampuni ya Cars From Japan Wanakupa Nafasi Hiyo..
Kisha Jisajili kwa Kuweka Jina na Email Yako... USIWE NA WASIWASI HUDUMA HII NI SALAMA KABISA..