Na Thabit Madai-Zanzibar
Mwenyekiti wa Tume ya Maadili Zanzibar, Asaa Ahmed Rashid amewataka Makamishna wa Tume ya haki za binaadamu kuimarisha haki za binaadamu na misingi ya utawala bora kwa kuandaa mpango maalumu wa kuwaelimisha wananchi ili kuweza kujua wajibu wa kulinda na kutetea haki zao.
Akifungua Mafunzo Elekezi kwa Makamishna wa Tume ya Haki za Binadamu na Utawala Bora kwa niaba ya Waziri wa Nchi Ofisi ya Rais Utumishi wa Umma na Utawala Bora Haroun Ali Suleiman huko katika Ukumbi wa Hoteli Madinat Al Bahar iliopo Mbweni.
Alisema Makamishna hao wameaminiwa na Serikali kwa kusimamiana kuimarisha haki za binaadamu na kutoa maamuzi pamoja na kupokea malalamiko yanayowasilishwa na wananchi kwenye Tume kwa kuzingatia Katiba na Sheria za Nchi.
Alisema Serikali ya Mapinduzi ya Zanzibar imeamua kuziingiza haki za binaadamu katika katiba ya Zanzibar ya mwaka 1984 na Katiba ya Jamhuri ya Muungano ya mwaka 1977 kupita mabadiliko ya tano ya mwaka 1984.
Aidha alisema mwananchi yeyote wa Tanzania ambaye atahisi haki zake za msingi zinakiukwa anayo fursa ya kupeleka malalamiko yake mbele ya Mahakama au vyombo vyengine vilivyoanzishwa kisheria.
"Suala la haki za binaadamu ni jambo la msingi katika nchi zinazothamini utu, demokrasia na maendeleo ya jamii Makamishna wa Tume ya Haki za Binaadamu na Utawala bora waliopata dhamana kusimamia haki", alisema Mwenyekiti huyo .
Naye Kaimu Mtendaji wa Tume ya Haki za Binaadamu na Utawala Bora Fatma Muya alisema majukumu ya Tume kuzilinda kutetea haki za binaadamu katika Misingi ya Utawala Bora.
Kwa upande wake Kamishna wa haki za binaadamu Zanzibar Khatibu Mwinyichande alisema kazi zao ni kusikiliza malalamiko ya wananchi na kuwapatia haki zao zinastahiki kwa mujibu wa sheria .
Hivyo Alisema Serikali imeandaa vyombo katika Tume za Haki za binaadamu kwa lengo la kusikilizwa wananchi ambao wanamalalamiko yao na kufanyiwa kazi.