Polisi wa Uganda walisema Ijumaa wamewakamata wanaume sita kwa "kufanya ushoga", tangazo hilo limetolewa siku moja baada ya Rais Yoweri Museveni kuwaelezea mashoga kama watu "waliopotoka".
"Kupitia mtandao wa kijasusi, tumewakamata wanaume sita katika chumba kimoja huko Jinja ambako walikuwa wakifanya ushoga," msemaji wa polisi James Mubi alisema.
"Tuliaarifiwa kuwa wanaume hao walikuwa ni sehemu ya kundi kubwa mjini Jinja linalojihusisha na vitendo vya ushoga na tunatoa wito kwa wananchi kutoa taarifa kwa polisi zitakazo wezesha kwa wanachama waliosalia wa kundi hilo."
Mji wa Jinja uko 80 mashariki mwa mji mkuu Kampala. Uganda inajulikana kwa sheria zisizostahmili ushoga – ni uhalifu chini ya sheria za utawala wa kikoloni -- na maadili makali ya Kikristo ni masuala ya ngono kwa ujumla.
Siku ya Alhamisi, rais Museveni aliwahutubia wabunge ambao wanajiandaa sheria dhidi ya ushoga, Museveni alisema "ni mwenendo wa tabia unaokiuka maadili".
Chini ya sheria iliyopendekezwa, mtu yeyote anayejihusisha na mapenzi ya jinsia moja au anayejitambulisha kama LGBTQ anaweza kukabiliwa na kifungo cha hadi miaka 10 jela.
Mswaada huo unatarajiwa wiki ijayo, na kura inaweza kupigwa siku ya Jumanne asubuhi.
0 Comments