Mwenyekiti wa Mkutano Mkuu wa 75 wa Umoja wa Mataifa (UN) Volkan Bozkır, alisema kuwa India na Pakistan zilikaribisha makubaliano ya kutii usitishaji mapigano katika mpaka wa Kashmir.
Volkan Bozkır alitoa taarifa kuhusu suala hilo na kusema,
"Dhamira ambayo wametangaza kufikia amani endelevu kwa kushughulikia suala hili kuu na ni mfano bora kwa nchi zingine na inadhihirisha maadili ya Mkutano Mkuu wa UN."
India na Pakistan zilikubaliana kuwa usitishaji wa mapigano kwenye mpaka unaogombaniwa wa Kashmir unapaswa "kuheshimiwa" kwa makubaliano.
Wakati Uingereza ilipoondoka India baada ya kumaliza ukoloni mnamo mwaka 1947, Kashmir kwa wakati huo ambao ulikuwa mji muhimu ulikabiliwa na changamoto ya chaguo la kuungana na India mpya au Pakistan mpya.
Ingawa watu wa Kashmir ambao asilimia 90 yao ni Waislamu, walipendelea kujiunga na Pakistan mwaka 1947 ingawa mkuu wa kipindi hicho aliamua kuungana na India.
Waislamu wa Kashmir walipinga uamuzi huo. Pande hizo zilipigana kwa mara ya kwanza mwaka 1947, huku Pakistan na India zikipeleka wanajeshi katika mkoa huo. Vita viliibuka tena kati ya nchi hizo mbili mwaka 1965 na 1999 kwa sababu hiyo hiyo.
Kama matokeo ya usitishaji mapigano, asilimia 45 ya Jammu Kashmir walibaki chini ya udhibiti wa India na asilimia 35 ya Pakistan. Sehemu ya asilimia 20 ya mashariki mwa mkoa huo ilitolewa kwa China.
Baraza la Usalama la Umoja wa Mataifa (UNSC) linatarajia unyanyasaji wa Kashmir na mustakabali wake kuamuliwa kwa kura na maamuzi yaliyochukuliwa tangu mwaka 1948.
Wakati India inachukua msimamo dhidi ya kura ya maoni, Pakistan inataka maazimio ya UNSC yatekelezwe.
0 Comments