Waziri wa ardhi William Lukuvi amesema serikali itazifuta kampuni za upimaji ardhi zinazoenda kinyume na taratibu ikiwemo wapimaji ardhi wasio waaminifu.
Lukuvi ameyasema hayo kupitia hotuba yake iliyosomwa na kaimu mkurugenzi idara ya upimaji na ramani Dkt. James Mtakamaya wakati akifungua mkutano wa mwaka wa taasisi ya wapima ardhi nchini IST.
Naye Rais wa taasisi hiyo Mpima Martins Chodota amesema wameiomba serikali kupunguza kodi ya vifaa vyao vya upimaji kwani vitu vya bei ya juu na vikiingizwa nchini vinalipiwa kodi kubwa.
Baadhi ya washiriki wa mkutano huo akiwemo Mpima Daudi Msungu amesema sheria zinazoongoza upimaji zimepitwa na wakati na hivyo umefika wakati zifanyiwe marekebisho ili kuweza kuendana na hali halisi.