Katika propaganda zake za hivi karibuni mtandaoni, IS imeitaja Rwanda kama 'taifa la Kikristo ambalo limekuwa likiwatesa 'Waislamu', na kutishia kulipiza kisasi dhidi ya serikali ya Afrika mashariki.
Kanali Ronald Rwivanga, msemaji wa jeshi la Rwanda alisema kuwa "ni jambo ambalo tuko tayari kushughulikia".
"Je! Tunawezaje kuwa tayari kuandaa vikosi katika maeneo ya kigeni wakati hatujalindwa.”- Aliiambia idhaa ya maziwa makuu Ijumaa.
Rwanda imepeleka mara mbili majeshi - mapema mwezi uliopita na wiki iliyopita huko Msumbiji kusaidia jeshi la kitaifa kupambana na uasi mkoa wa kaskazini wa Cabo Delgado.
Maeneo na miji mingi ilikombolewa katika wiki za hivi karibuni baada ya miaka kutawaliwa na wanamgambo wa Kiislamu wanaohusishwa na IS.
Zaidi ya watu 3,000 wameuawa na 820,000 wamehama makazi yao wakati wa mzozo ulioanza mnamo 2017.