Mawazo na minong'ono imeongezeka kuhusu uwezekano wa serikali ya Korea Kusini kutuma wanajeshi na vifaa vya kijeshi katika Mlango wa Hormuz.
Wizara ya Ulinzi ya Korea Kusini imetangaza kuwa nchi hiyo ilituma ujumbe wa maafisa nchini Umoja wa Falme za Kiarabu mwishoni mwa wiki ili kutathmini hali ya usalama na mazingira ya kiutendaji katika eneo la Mlango wa Hormuz.
Afisa wa wizara hiyo alisema ujumbe huo ulikuwa unatathmini hali ya usalama na mazingira ya eneo husika, lakini akasisitiza kuwa safari hiyo haimaanishi kuwa kutumwa kwa wanajeshi kumekaribia.
Alisema: "Tathmini hii haifanywi kwa dhana kwamba wanajeshi watatumwa, na hakuna uamuzi wowote ambao umefanywa kuhusu kutumwa kwao."
Idadi ya wajumbe wa ujumbe huo pamoja na maeneo waliyotembelea haijatangazwa. Hata hivyo, inaaminika kuwa ulikuwa ujumbe mdogo uliowajumuisha maafisa kutoka Wizara ya Ulinzi, Wakuu wa Majeshi na Jeshi la Wanamaji.